The Deil o' Bogie

When I was young and ower young,

I wad a deid aud wife;

But ere three days had gane by,

Gi Ga Gane by, I rued the sturt and strife.

Sae to the kirk-yaird furth I fared,

And to the Deil I prayed:

“O, muckle Deil o' Bogie,

Bi Ba Bogie, Come tak the rankled jade”.

When I got hame the soor auld bitch

Was deid, ay, deid enough.

I yokkit the mare to the dung-cairt,

Ding Dang Dung-cairt,

And drove her furth and leuch!

And when I cam to the place o' peace,

The grave was howk'd, and snod:

“Gae canny wi' the corp, lads,

Ci Ca Corp, lads; You'll wauk her up, b' God.

Ram in, ram in the bonnie, bonnie yird

Up on the ill-daein wife

When she was hale and herty,

Hi Ha Herty, She plagued me o' my life.”

But when I gat me hame again,

The hoose seemed toom and wide.

For juist three days I waited,

Wit Wat Waited, Syne took a braw young bride.

In three short days my braw young wife

Had ta'en to lound 'rin me.

Gie's back dear Deil o' Bogie,

Bi Ba Bogie, My auld calamitie.