Whistle, whistle, auld wife
F. Scott
“Whistle, whistle, auld wife,
An' ye'se get a hen."
“I wadna whistle,” quo' the wife,
“Though ye wad gi'e me ten”
“Whistle, whistle, auld wife,
An' ye'se get a cock.”
“I wadna whistle,” quo' the wife,
“Though ye'd gi'e me a flock.”
“Whistle, whistle, auld wife,
And ye'se get a goun."
“I wadna whistle,” quo' the wife,
“For the best ane i' the toun.”
“Whistle, whistle, auld wife,
An ye'se get a coo.”
“I wadna whistle,” quo the wife,
“Though ye wad gi'e me two.”
“Whistle, whistle, auld wife,
An' ye'se get a man.”
“Wheeple-whauple,” quo' the wife,
“I'll whistle as I can.”