Mal sosc

Qual sap se seràn pas catats

lèu jos tèrra, amb lor cançon mòrta,

los darrièrs boièrs que confòrta

lo gaug dels camps jamai quitats,

los grans boièrs atalentats

d'ideal, que sèrvan per òrta

meme òdi per la rega tòrta

que per totas fòravertats?

Ò descasença malastrada!

dins la bona aura, sus l'arada,

lo pacan sosca a la ciutats...

Campèstre, amb ton encantadura,

garís los còrs desalertats

pel sosc a mala fregadura.