Du feu chaut l'ardente fureur
A. Bertrand
Du feu chaut l'ardente fureur
Je sens en mon coeur faire trace
Amour voyant semblable ardeur
Naistre du plus froid de sa glace
Espris de la divine grace
De ma Diane qui reluit
En mes tenebres jour et nuit
Cessa de voler et en terre
On la veu vaincu par les mains
Subtiles d'elle qui enserre
Sur terre et l'onde les humains
Et au ciel aux dieux faict la guerre.