Jaapt nit so sehr

Jaapt nit so sehr,

Mien leev Kompeer,

Na de verwünschten Deerens;

Se laat fast all

So nett un drall,

Avsonderlich van fehrens!

Deels seet so fram un ehrbar ut;

Deels sünd so flink, as ene Brut,

Mit Ögeln un mit Straken

De Keerls verleewt to maken.

Merk zu de List!

Im Anfang ist´s

Vül anners mit en Deeren,

As na de Tied,

Wenn se het friet;

Denn will de Droos regeeren!

Den eersten Morgen heet et: fix!

Nim du de Schört, giv mi de Büx!

Sünst jag ik ut de Plümen

Dü up den Hönerwiemern!

Doot Dog un Nacht

Ut aller Macht,

Wat se befählt un käkelt

Doch warter wat,

Bal düt bal dat,

Begnägelt un bekämelt!

Da murrt un gnurrt dat Murmuldeert;

Sie rümpt de Näs´, un dreit den Steert;

Ja vaken kriegt ji Knüffel

Mit ehrem spitzen Tüffel.

Drum gäwt Gehör,

Mien leew Kompeer!

Hööt ju voer solke Gäste,

Wo oft bedrügt

En rood Gesicht,

Brun Haar, un witte Böste!

Erst sünt se aller Framheit vull:

De Brutnacht makt se splitterdull,

Den armen Mann to brüden!

Dat mag de Kukuk lieden!