Ce beau corail

Ce beau corail, ce marbre qui souspire

Et cest' ébesne, ornement du sourcy

Et cest' albastre en voute racourcy

Et cest zaphirs, ce jaste et ce porphyre:

Ces diamans, ces rubis, qu'un zéphire

Tient animez d'un soupir adoucy,

Et ces oeilles, et ces roses aussy,

Et ce fin or, où l'or mesme se mire

Me sont au coeur en si profond esmoy,

Qu'un autre objet ne se présente à moy,

Sinon, Belleau, leur beauté que j'honore.

Et le plaisir qui ne se peut passer

De les songer, penser et repenser,

Songer, penser et repenser encore.