Quel dieu malin, quel estre me fit estre

Quel Dieu malin, quel astre, me fit estre

Et de misére et de tourment si plein?

Quel destin fit que tousjours je me plain

De la rigueur d'un trop rigoureux maistre?

Quelle des Sœurs, à l'heure de mon estre

Noircit le fil de mon sort inhumain?

Et quel démon d'une senestre main,

Berça mon corps quand le ciel me fit naistre?

Heureux les corps dont la terre a les os!

Bien heureux ceux que la nuict du chaos

Presse au giron de sa masse brutale!

Sans sentiment, leur repos est heureux:

Que suis-je, las! moy chetif amoureux,

Pour trop sentir, qu'un Sisyphe ou Tantale?